“Amaru Ninni”, la poesia in vernacolo di Erminio Niceforo dedicata a Ninni Riccio e al KTF 2025

Amaru Ninni, medicu d’amuri e di cori
chi ogni ferita sana cu scienza e onori.
Patri, maritu, figghju di gran valuri
po’ beni di so’ cari si scorda ogni doluri

Omu giustu, drittu e sinceru
cu cori bonu, calmu e veru
ogni jiornu s’affanna senza mai murmurari
pe’ dari vita e speranza a cu’ voli campari

I mia non era all’iniziu tantu cumbintu
ma u bracciu destru soi agíu d’istintu,
Teresa cu cori dunqui nci detti la via:
“Fallu Ninni è ‘na beda pazzìa!”

E accussì, tra tamburi e chitarri sonanti,
tra risati sinceri e passi danzanti
nescíu sta festa, di focu e magia
u Kaulonia Tarantella, orgogliu di casa mia

Idu cridìu ’nta l’umanità mia,
‘nta stu cori chi vozzi sempi abbrazzari
e si oji Caulonia risplendi di vita
è puru grazi a idu chi la seppi amministrari

Ndavi bontà chi non si misura,
pacenza antica e tanta cura,
e quandu parra du nostu Pajisi,
u cori canta, s’allegranu i visi

Grazii Ninni, pe’ la fiducia e lu cori,
pe’ la cultura e pe’ lu vostru valuri
si non era pe’ vui Caulonia sarrìa muta
‘na terra senza vuci, persa e scanusciuta!

Erminio Niceforo